सिबेन्द्र रोहिता
जनकपुरधाम,५ चैत्र । महोत्तरीको भंगहा नगरपालिका १ मा स्वास्थ्य केन्द्र संचालनमा आउने भएको छ । बुधवार एक समारोहबीच भंगहाका मेयर संजीव साहले स्वास्थ्य केन्द्र भवनको शिलान्यास गरे ।
भवन निर्माणका लागि २० लाख ४७ हजार ३४५ रुपैयामा ठेक्का समेत लागिसकेको नगरपालिकाले जनाएको छ । भवन निर्माण समयमै सक्न ठेकेदार कम्पनीलाई मेयर साहले निर्देशन दिए ।
स्वास्थ्य संस्था नहुँदा वडा १ का बासिन्दा समस्यामा पर्ने गरेका थिए । जनताले सहज रुपमा स्वास्थ्य सेवा पाओस् भन्ने उदेश्यले स्वास्थ्य केन्द्र संचालनमा ल्याउन लागेको मेयर साहको भनाई छ ।
