कुलदिप दास ( प्रेम)
जनकपुरधाम,१० चैत्र । जनकपुरधामको व्यापार व्यवसायलाई अझै ब्यबस्तिथ गर्दै प्रदेशकै उत्कृष्ट बजार स्थापित गर्ने व्यवसायी मनोज शर्माले बताएका छन ।
यहिे चैत्र २८ गते हुन लागेको जनकपुरधाम उद्योग वाणिज्य संघको चुनावमा कोषाध्यक्ष पदको लागि आफ्नो उम्मेदवारी दिएका शर्माले सो कुरा बताएका हुन ।
केही बर्ष यता जनकपुरधामका ब्यापारीहरू बोर्डर पारी गएर सामान किनमेल गर्न थालेपछि जनकपुरधामको ब्यापार ब्यवसाय खस्किदै गएको प्रति चिन्ता व्यक्त गर्दै शर्माले आफु निर्वाचित भएपछि सो कुराको अन्त्य गर्दै यहाँको बजार ब्यवसायलाई फस्टाउँदै उन्नति तर्फ लैजाने बताएका छन ।
केही बर्ष यता जनकपुरधाममा पर्यटकको संख्यामा समेत कमी आएको तर्फ ईगिंत गर्दै पर्यटकको संख्या बढाउनु पर्नेमा आफ्नो अमुल्य योगदान रहने समेत बताएका छन ।
बिभिन्न समयमा व्यवसायीहरू माथि हुने पिर मार्का, समस्याहरूलाई समाधान गर्न आफुले कुनै कसर बाँकी नराख्ने बताउँदै आफुलाई व्यवसायीहरूले जुनसुकै समयमा सम्झिए आफु सहयोगका लागि तत्पर रहने उल्लेख गरेका छन ।
