महेश कुमार दास
महोत्तरी ,७ बैशाख । प्रहरीले खोला खोस्रने कार्यमा प्रयोग गरिएको सवारी साधनहरु नियन्त्रणमा लिन सुरु गरेको छ ।
सोमबार दिउँसो बर्दिवास नगरपालिका ८ जँगहा खोलामा लुकाई छिपाई अबैध रुपमा ढुंगा गिट्टी बालुवा खोस्री रहेकै अवस्थामा प्रहरीले एक थान जेसिबि र दुई वटा ट्रिपर नियन्त्रणमा लिएको जनाएको छ ।
इलाका प्रहरी कार्यालय वर्दिवासबाट खटि गएको प्रहरी टोलिले ज१क ३१२ नम्वरको जेसिवि , बा.प्र–०१–००३ क ८१३२ र बा.प्र–०१–००३ क ८१३३ ट्रिपर नियन्त्रणमा लिएको हो ।
अनुमति विना खोलाबाट ढुंगा बालुवा गिट्टी उत्खन्न गर्न नपाईने र हेभि ईक्वीपमेन्ट समेत प्रयोग गर्न नपाईने प्रावद्यानका बर्खिलाप गएर ति सवारी साधनहरु खोला खन्ने कार्य गर्दै गरेको अवस्थामा फेला परे पछि नियन्त्रणमा लिईको जिल्ला प्रहरी कार्यालय महोत्तरीका प्रवक्ता डिएसपी प्रकाश विष्टले बताएका छन् ।
नियन्त्रणमा लिइएको उक्त सवारी साधन आवश्यक कारवाहीका लागि सम्बन्धित निकायमा पठाइएको डिएसपी विष्टले जानकारी दिए ।
