२१ चैत्र २०८१, शनिबार
05-04-2025 , Sat
×

सुतेकै ठाउँमा एक पुरुषको हत्या

Logo
प्रकाशित शुक्रबार, जेठ ०७, २०७८

न्यूजमधेश डेस्क
विराटनगर ,७ जेष्ठ । मोरङको सुन्दरहरैँचा नगरपालिका–३ स्थित लोचनीमा सुतेकै ठाउँमा एक पुरुषको हत्या भएको छ। शुक्रबार बिहान विभत्स हत्या भएको अवस्थामा पुरुषको शव फेला परेको हो।

घाँटीमा धारिलो हतियारले प्रहार गरेर विभत्स हत्या गरिएको अवस्थामा ४० वर्षीय विष्णु ऋषिदेवको शव ओछ्यानमा भेटिएको मोरङ प्रहरीका प्रवक्ता डीएसपी मानबहादुर राईले जानकारी दिए। उनका अनुसार शव घरभित्र सुतेकै खाटको ओछ्यानमा लडिरहेको अवस्थामा भेटिएको हो।

‘शव खाटमै लडिरहेको छ। घटनास्थल रगताम्य छ,’ राईले भने, ‘निदाएका बेला कुनै धारिलो हतियारले घाँटीको अगाडिको भागमा प्रहार गरेर हत्या गरिएको हुनसक्ने आशंका छ। घटनाको विस्तृत विवरण आइसकेको छैन।’

प्रहरीका अनुसार गछिया खोला छेउको ऐलानी जग्गामा टिनको छानो भएको र टाटीको बेरा लगाएर बनाइएको झुप्रो घरमा विष्णु एक्लै बस्थे। केही समयअघि श्रीमतीको मृत्यु भइसकेको प्रहरीले जनाएको छ।

श्रीमतीको मृत्यु भइसकेको र छोराछोरी बाहिर अन्यत्रै बस्ने गरेका कारण विष्णु आफ्नो घरमा एक्लै बस्ने गरेको पाइएको डीएसपी राईले बताए।

विष्णु ज्यालामजदुरी गर्थे। सधैँ चाँडै उठेर काममा जाने गरेका उनी नआएपछि साथीभाइ बोलाउन जाँदा घरभित्रै शव देखेर प्रहरीलाई खबर गरेका थिए। प्रहरीले घटनाका बारेमा बिहान ७ बजे जानकारी पाएको थियो।

डीएसपी राईले घटनामा प्रयोग गरिएको कुनै हतियार फेला नपरेको बताए। ‘घटनामा संलग्नको पहिचान हुन सकिरहेको छैन,’ उनले भने, ‘हत्या गर्नुपर्ने कारण पनि खुल्न बाँकी छ।’

कमेन्ट गर्नुहोस्
सम्बन्धित

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]

सिराहा : सिराहाको औरही ५ मा दीपक मलिकको घर भत्काइएको घटनाको प्रदेश सांसदद्वाय माननीय संजय कुमार यादव र जिवछी कुमारी यादवले संयुक्त रूपमा अनुगमन गरेको छ। अनुगमनका क्रममा घटनास्थलमै पुगेका उनीहरूले प्रदेश सरकारको तर्फबाट आवासको ग्यारेन्टी समेत गरेका छन्। मधेस प्रदेश सरकारबाट सञ्चालन हुने मदन भण्डारी आवास कार्यक्रम अन्तर्गत दुई कोठाको घर, किचन, बाथरूम लगायतको […]

सिराहा : धनगढीमाई नगरपालिका ८ सिराहामा तरकारी सङ्कलन केन्द्र तथा तरकारी बजारको लागि स्टल निर्माण कार्यको शिल्यानास भएको छ। जनमत पार्टीकी सांसद माननीय बिनिता कुमारी सिंह ज्यूको प्रमुख अतिथ्य तथा धनगढीमाई नगरपालिकाको नगर अध्यक्ष शिवशंकर महतोको उपस्थितिमा आज एक कार्यक्रम बीच उक्त कार्यको शिलान्यास भएको हो। सहरी विकास मन्त्रालय अन्तरगत सहरी विकास तथा भवन निर्माण […]