न्यूजमधेश डेस्क
सर्लाही ,१७ जेष्ठ । सर्लाहीको पर्सा गाउँपालिका ३ मा आइतबार मेटरसाईकलले ठक्कर दिदा पैदल यात्रीको ज्यान गएको छ । मृत्युहुनेमा सोही ठाउँ बस्ने ७५ की सकिला खातुन रहेकी प्रहरीले जनाएको छ ।
खालुनलाई बिआर ३० टि ६६४९ मोटरसाईकलले ठक्कर दिएको थियो ।
मोटरसाईकलको ठक्करबाट टाउकोमा चोट लागेकी खातुनको स्थानीय मेडिकलमा सामान्य उपचार पछि थप उपचारको लागि महोत्तरीको सम्सी जीवन ज्योति अस्पताल पठाईएकोमा दिउसो १ बजे चिकित्सकले मृत घोषणा गरेको जिल्ला प्रहरी कार्यालय सर्लाहीले जनाएको छ ।
ठक्रर दिने मोटरसाईकल चालक पर्सा गाउँपालिका २ बस्ने २४ वर्षिय हरिनारायण यादवलाई नियन्त्रणमा लिई थप अनुसन्धानको लागि जिल्ला प्रहरी कार्यालय मलंगवा राखिएको र मृको लास पोस्टमर्टम पश्चात मृतकका छोराले बुझि लगेको प्रहरीले जनाएको छ ।
