न्यूजमधेश डेस्क
जनकपुरधाम ,१४मंसिर । जारी नेपाली काँग्रेसको १४ औँ महाधिवेशन प्रतिनिधिमा धनुषाको निर्वाचन क्षेत्र नम्बर ४ बाट नवल किशोर यादव चयन गरिएको छ ।
सोमबार सम्पन्न क्षेत्रीय अधिवेशनबाट महाधिवेशन प्रतिनीधिको रुपमा सर्व सहमतिले चयन गरिएको हो ।
नेपाली काँग्रेसका सक्रिय भएर लागेका नेता यादवलाई पदाधिकारीहरुले नै सर्व सहमति दिएपछि उनी महाधिवेशन प्रतिनीधिको लागि क्षेत्र नम्बर ४ बाट चुनिएका हुन् ।
क्षेत्रमा सहमतिको आधारमा चयन प्रतिनीधिमध्ये नवल किशोर यादव सभापतिको लागि दाबेदार समेत मानिएका छन् । यद्यपी, उनले जिल्ला सभापतिमा उम्मेदवारी दिने वा नदिने बारे प्रष्टाएनन् ।
सोमबार सम्पन्न भएको अधिवेशनबाट यादव खुल्ला तर्फबाट महाधिवेशन प्रतिनीधिमा चयन भएका हुन् । उनले भने, “महाधिवेशन प्रतिनीधिमा चयन भएपनि केन्द्रीय सदस्य देखि पदाधिकारीसम्म लडन सक्ने अधिकार हुन्छ ।”
तरुण दलको निर्वतमान केन्द्रीय सदस्य समेत रहको नेता यादव नेपाली काँग्रेसको महाधिवेशन प्रतिनीधिको रुपमा निर्विरोध चयन भएपछि उनलाई बधाईको ओइरो लागेको छ ।
उनी नेपाली काँग्रेसका नेता एवम् पूर्व साँसद चन्द्रमोहन यादवको नजिकी एवम् विश्वासिलो पात्र मानिन्छन् ।
