जयनाथ यादव
लहान,१२ पुष । डा. सीके राउत नेतृत्वको जनमत पार्टी आन्दोलन समिति सिरहाले गरेको चक्काजामका सफल भएका छन।भने चक्काजामका कारण जिल्लाभरका सुरक्षाकर्मी हैरान भएको छ।
चक्काजामको प्रभाव पूर्व-पश्चिम राजमार्गमा समेत परेको छ । तोडफोड र आगजनीको डरले पूर्व-पश्चिम राजमार्गमा प्रहरीले स्कटिङ गरेर सवारी साधनलाई गन्तव्यमा पुर्याउन बाध्य भएका छन् ।
राजमार्ग सुचारु राख्न चोक चोकमा प्रहरी परिचालित छन् । दिउसो करिब तीन बजे लहान क्षेत्रमा जनमतका कार्यकर्ताले टायर बालेपछि कसहामा सयौं गाडी अलपत्र परेका छन् । बन्दीपुरदेख लहानसम्म प्रहरीले स्कटिङ गर्ने गरेको देखिएको छ।
औरही गाँउपालिकाले गहुंको बीउ लुकटेको भन्दै चार जना किसानमाथि मुद्दा दर्ता गराएको र एक जनालाई प्रहरीले पक्राउ गरेपछि जनमत पार्टी आन्दोलित बनेको छ । आइतबार सिरहा आमहड्ताल गरेका उक्त पार्टीले आज जिल्लाभर चक्काजाम गरेको हो ।
आइतबार आमहड्तालको अवज्ञा गरेको भन्दै जनमतका कार्यकर्ताले चोहर्वामा ना ५ ख ५५२२ नम्बरको ट्रकमा आगजनी तथा मिर्चैया र गोलबजारमा दर्जनौं गाडी तोडफोड गरेका थिए ।
आन्दोलनमा प्रहरीले दमन गरेको,पक्राउ परेका किसान र जनमतका १४ जना नेतालाई प्रहरीले पक्राउ गरेको हो ।उनिहरुलाई रिहाको माग गर्दै आजसमेत चक्काजाम गरेको जनमत पार्टीले बताए ।पार्टीका अनुसार थप आन्दोलन गर्नको लागि किसान संघर्ष समिती र जनमत पार्टी सिरहाले निर्णय गर्ने जनाएको छ।
