न्यूजमधेश डेस्क
जनकपुरधाम,१९ पुष । किसान आन्दोलनलाई उल्लंघन गरेको भन्दै धनुषाको पूर्व-पश्चिम राजमार्गमा आन्दोलनकारीहरुले ट्रकमा आगो लगाएको छ ।
आज दिउँसो करिब ३:२० बजे गणेशमान चारनाथ नगरपालिका १ छघरियामा ना १ क ७७६९ नम्बरको ट्रकमा किसान आन्दोलनमा उत्रेका प्रदर्शनकारीहरुले आगो लगाएका हुन् ।
पश्चिमबाट पूर्वतर्फ जाँदै गरेको उक्त ट्रकमा आन्दोलनकारीले आगो लगाएको छ।
आगजनीबाट ट्रक क्षतिग्रस्त बनेको छ ।आगजनी गरेको आरोपमा प्रहरीले तीन जनालाई पक्राउ गरेको छ । पक्राउ पर्नेमा जनमत पार्टीका धनुषा जिल्ला अध्यक्ष ओमविक्रम कुशवाहा, जिल्ला सहसचिव नवीन पण्डित र चन्दन कुमार साह रहेका छन् ।
धनुषाका प्रहरी प्रवक्ता एवम डिएसपी जीतेन्द्र कुमार बस्नेतले तीनै जनालाई ट्रकमा आगो लगाएको आरोपमा पक्राउ गरिएको जानकारी दिए ।
