२१ चैत्र २०८१, शनिबार
05-04-2025 , Sat
×

गोरिल्लाको ६५ औं जन्मदिन मनाइयो

Logo
प्रकाशित बिहिबार, बैशाख ०१, २०७९

काठमाडौँ ,१ बैशाख । सामन्यतः प्राकृतिक अवस्थामा गोरिल्ला प्रजातिको औसत आयु ४० देखि ५० वर्षसम्मको हुने गर्छ । चिडियाखानामा राखिएका गोरिल्लाहरु औसत उमेरभन्दा बढी समय बाँच्छन् । पर्याप्त हेरचाह, खानेकुरा, नियमित स्वास्थ्य परीक्षण, रेखदेखले गर्दा उनीहरु प्राकृतिक अवस्थाका गोरिल्लाभन्दा बढी स्वस्थ्य हुन्छन् ।

जर्मनीको बर्लिनस्थित बर्लिन चिडियाखानामा राखिएको एउटा गोरिल्लाको उमेर ६५ वर्ष पुगेको छ । ‘फोटाउ’ नाम दिइएको यो गोरिल्लाको जन्मदिनको अवसर पारेर बर्लिन चिडियाखानाले विशेष केक बनाइदियो । उक्त केक दही,चामल,सब्जी, रास्पबेरिज र ब्लुबेरिजहरुबाट निर्मित रहेको बीबीसीले जनाएको छ ।

बर्लिन चिडियाघरमा एप्स प्रजाति हेर्दै आएकी क्रिस्टियन अस्टले भनिन्,’सामान्यतः प्राकृतिक अवस्थामा गोरिल्ला ४० वर्षसम्म बाँच्‍न सक्छन् । तर यो गोरिल्ला औसत उमेरभन्दा २० वर्ष धेरै बाँचेको हो । फोटाउ अहिलेसम्मकै धेरै उमेरसम्म बाँचेको गोरिल्ला हो । ‘

केमरुन ट्रोपिकल रेनफरेस्टमा पाइने यो प्रजातिको गोरिल्ला मध्य अफ्रिकन गणराज्य, ग्याबन र कंगोमा पाइन्छ ।

एप्स प्रजातिभित्र सबैभन्दा ठूलो जीवमा ‘गोरिल्ला’ पर्छ । गोरिल्लाको तौल २ सय केजीसम्म हुन्छ । दैनिक रुपमा यिनले १५ देखि २० केजीसम्मको खाना खान्छन् । यिनले खाने खानामा रुखको पात, घाँस, फलफूललगायत हुन्छन् ।

बर्लिन चिडियाखानामा राखिएको यो गोरिल्ला वेस्टर्न लो गोरिल्ला प्रजातिभित्र पर्छ । यो आईयूसीएनको ‘अति संकटापन्‍न’ जीवमा सूचिकृत छ । यी प्रजातिहरु संसारबाटै लोप हुने खतरामा छन् । प्राकृतिक अवस्थमा रोग, चोरीतस्करी र बासस्थान विनासका कारण यिनीहरुको संख्या घट्दै गएको छ ।

फोटाउको जन्म सन् १९५७मा भएको अनुमान छ । यो पोथी गोरिल्लालाई पश्चिमी अफ्रिकाबाट फ्रान्समा सन् १९५९मा एक नाविक(सेलर)ले ल्याएका थिए । त्यसपछि यो गोरिल्लालाई जर्मनीको बर्लिन चिडियाघरमा राखिएको थियो । सन् १९७४ मा फोटाउले बच्चा जन्माएकी थिई । अहिले फोटाउको २ जना नाती, १३ जना पनाती र १६ वटा जनाती छन् । तीमध्ये ६ जना पनाती र १० जना जनाती अहिले पनि जिवित रहेको बर्लिन चिडियाखानाले जनाएको छ ।

फोटाउ अघि ‘कोलो’ नाम गरेकी गोरिल्ला सन् १९५६मा जन्मिएको थिई । कोलोको मृत्यु ६० वर्षको उमेरमा सन् २०१७मा भएको थियो । यस्तै, सन् २०१९मा अमेरिकामा ‘ट्रुडी’ नाम गरेकी गोरिल्लाको ६३ वर्षको उमेरमा मृत्यु भएको थियो ।

कमेन्ट गर्नुहोस्
सम्बन्धित

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]

सिराहा : सिराहाको औरही ५ मा दीपक मलिकको घर भत्काइएको घटनाको प्रदेश सांसदद्वाय माननीय संजय कुमार यादव र जिवछी कुमारी यादवले संयुक्त रूपमा अनुगमन गरेको छ। अनुगमनका क्रममा घटनास्थलमै पुगेका उनीहरूले प्रदेश सरकारको तर्फबाट आवासको ग्यारेन्टी समेत गरेका छन्। मधेस प्रदेश सरकारबाट सञ्चालन हुने मदन भण्डारी आवास कार्यक्रम अन्तर्गत दुई कोठाको घर, किचन, बाथरूम लगायतको […]

सिराहा : धनगढीमाई नगरपालिका ८ सिराहामा तरकारी सङ्कलन केन्द्र तथा तरकारी बजारको लागि स्टल निर्माण कार्यको शिल्यानास भएको छ। जनमत पार्टीकी सांसद माननीय बिनिता कुमारी सिंह ज्यूको प्रमुख अतिथ्य तथा धनगढीमाई नगरपालिकाको नगर अध्यक्ष शिवशंकर महतोको उपस्थितिमा आज एक कार्यक्रम बीच उक्त कार्यको शिलान्यास भएको हो। सहरी विकास मन्त्रालय अन्तरगत सहरी विकास तथा भवन निर्माण […]