न्यूजमधेश डेस्क
काठमाडौं,३० जेष्ठ । स्थानीय तह निर्वाचनको समिक्षा गर्न नेकपा (एमाले)को केन्द्रीय सचिवालय बैठक आज बस्दै छ ।
बैठक दिउँसो १ बजे केन्द्रीय कार्यालय ललितपुरस्थित च्यासलमा बस्नेछ । खासगरी आजको बैठकका लागि चार एजेण्डा तय भएको एमालेले जनाएको छ ।
जसमा आगामी निर्वाचन तथा स्थानीय तहको निर्वाचन समिक्षा, जनप्रतिनिधिका लागि प्रशिक्षण, केन्द्रीय विभागको पूर्णता र समसामयिक राजनीतिक परिस्थिति बारेको छलफल एजेन्डामा परेका छन् ।
एमालेको केन्द्रीय कार्यलय बैठकले स्थानीय तहको निर्वाचित जनप्रतिनिधिलाई असार २ र ३ मा प्रशिक्षण दिने निर्णय गरेको छ ।
