न्युजमधेस डेस्क
सिरहा,८ साउन।
सिरहा जिल्लास्थित पूर्व पश्चिम राजमार्गमा पिकअप भ्यानले ठक्कर दिँदा एक बालिकाको मृत्यू भएको छ ।
शनिबार दिउँसो करिब ३ः४० बजेको समयमा पूर्वपश्चिम राजमार्ग अन्तर्गत सिरहा जिल्लाको कर्जन्हा नगरपालिका वडा नम्बर ३ स्थित पिकअप भ्यानले ठक्कर दिँदा उनको मृत्यू भएको प्रहरीले जनाएको छ ।
ईलाका प्रहरी कार्यालय मिर्चैयाका अनुसार पूर्व–पश्चिम राजमार्गमा पश्चिमबाट पूर्व तर्फ जादैँ गरेको प्रदेश २–०१–००१ च ०३२७ नम्बरको पिकअपले बाटो क्रस गर्ने क्रममा ठक्कर दिएको थियो ।
ठक्कर दिएपछि गम्भिर घाईते भएकी नाम, ठेगान नखुलेकी ती बालिकालाई तत्कालै कर्जन्हास्थित रहेको फूल कुमारी मेमोरियल अस्पतालमा उपचारको लागि प्रहरीले पठाएको थियो ।
सो अस्पतालमा उपचारकै क्रममा उनको अपरान्ह ४ः०५ बजे मृत्यू भएको पुष्टि चिकित्सकले गरेको ईलाका प्रहरी कार्यालय मिर्चैयाका डिएसपी हरि बहादुरी ओलीले जानकारी दिए ।
ओली कमाण्डको प्रहरी टोली खटी गई लाशजाँच प्रकृती मुचुल्का लगायतको प्रारम्भिक अनुसन्धान कार्य पुरा गरि लाश पोष्टमार्टमको लागि रामकुमार उमाशँक स्मारक अस्पताल लहान सिरहामा पठाएको जनाएको छ ।
लाश शव गृहमा सुरक्षित राखिएको हुँदा मृतक लाश सनाखत गराउनु पर्ने भएकोले ईलाका प्रहरी कार्यालय मिर्चैया आसपासको कार्यालयको एरियाहरुमा बालिकाको हुलिया अनुसार लास पहिचानको लागि सूचना जारी समेत गरेको छ ।
उल्लेखित हुलिया भएको बालिकाको लिखित तथा मौखिक कुनै जानकारी प्राप्त भएको भए सम्बन्धित ईलाका प्रहरी कार्यालय मिर्चैयाको सम्पर्क नम्बर ९८५२८९००४२ मा सम्पर्क गर्न प्रहरीले अनुरोध गरेको छ ।
सेते कुर्ता,निलो आकाशे रंगको सुरुवाल लगाइकी मृतकको उचाई अन्दाजी ५ फिट रहेको प्रहरीले जारी गरेको हुलियामा उल्लेख छ । नामथर वतन नखुलेकी हेर्दा अन्दाजी १३–१४ बर्षकी बालिकाको पहिचान गरी अभिभावकलाई जानकारी गराउन समेत अनुरोध गरिएको छ ।
