न्यूजमधेश डेस्क
जनकपुरधाम,१९ असोज।जनमत पार्टीले रावनको रुपमा रहेका नेताहरुको पुतला दहन गरिएको छ।
असोज ७ गते बसेको जनमत पार्टीको केन्द्रीय कार्यकारिणी समितिको बैठकले घोषणा गरेको आन्दोलन अन्तर्गत बुधबार राष्ट्रपति विद्या देवी भण्डारसहित सत्ता गठबन्धनका नेताहरुको पुतला दहन गरिएको हो।
मधेश प्रदेशका धनुषा ,सिरहा,सप्तरी ,महोत्तरी ,सर्लाहीलगाइत मधेशका जिल्लाहरुमा जनमत पार्टीका नेताहरुले विरुद्ध र्यालीसहित उनिहरुको फोटो पुतलामा लगाएर दहन गरिएको छ।
नागरिकता विधेयक प्रमाणीकरण नगरेर राष्ट्रपतिले लाखौँ योग्य नागरिकलाई नागरिकताको अधिकारबाट वञ्चित गरेको पार्टीको आरोप छ । त्यस्तै सत्ता गठबन्धनले पनि हालसम्म किसान आन्दोलनका मागहरू सम्बोधन नगरेको भन्दै जनमत पार्टीका नेताकार्यकर्ताहरुले उनिहरुको पुतला दहन गरिएको पार्टीका केन्द्रिय सचिवालय प्रमुख राजेश मण्डलले जानकारी दिएको छ।
उनले भने ‘नागरिकता विधेयक प्रमाणीकरणमा सत्ता गठबन्धनले पनि चासोलिएको छैन उनको भनाइ छ।यीहरु रावनकै रुपमा जन्म लिएक छ।जनताको रगत चुस्नु बाहेक कुनै काम गर्दैनन् ।’
