न्यूजमधेश डेस्क
राजविराज ,७ कार्तिक ।डा.सीके राउत नेतृत्वको जनमत पार्टीका विदेश विभाग संगठन गैर आवासीय मधेशी संघले कतारबाट दुई जनको शव उद्धार गर्नुभएको छ।
वैदेशिक रोजगारमा कतारको (QBC) कम्पनीमा कार्यरत धनुषाको नगराइन नगरपालिका -८ खिरखिरियाका ३८ वर्षीय सिदेश्वर मण्डल र सिरहाको नरहा गाउँपालिका -४ बलुवाको रामकुमार सादाको शव गैर आवासीय मधेशी संघ कतारले उद्घार गर्नुभएका हुन।
उनी दुबै जनाको शव एनआरएमएका कतारका कार्यबाहक अध्यक्ष जितेन्द्र कुमार यादव ,संघका महासचिव राम सुबान यादव ,सह कोषाध्यक्ष नन्द कुमार ठाकुर र प्रेस जनमत संघ अन्तर्राष्ट्रिय समिति सदस्य बिनोद कुमार यादवको सहयोगमा उद्धार गर्नुभएको हो।
त्यसैगरी संघका कतार सचीव ई.प्रमुद ठाकुर ,केन्द्रिय कोडिनेटर राजु यादव ,ग्रेन्ड मल टिमका अध्यक्ष जितनारायन यादव ,सदस्य अमोद यादव र कतारका सदस्य बलिराम यादवलगाइतका संघका पदाधिकारीहरुको सहयोगमा शव उद्धार गर्नुभएको हो।
मण्डल र सादाको शव उद्धारमा गैर आवासीय मधेशी संघ अन्तर्राष्ट्रिय समिती अध्यक्षसमेत रहेका धनुषा निर्वाचन क्षेत्र नं.३ का प्रतिनिधि सभा सदस्य पदको उम्मेदवार ई.शम्भुनाथ साहको विशेष पहल रहेको संघका कतारको कार्यबाहक अध्यक्ष जितेन्द्र कुमार यादवले बताउनुभयो ।
कार्यबाहक अध्यक्ष यादवका अनुसार मण्डल र सादाको शव कतारबाट उद्धार गरि उहाँहरुको परिवारजनलाई बझाएको बताउनुभएको हो।
