न्यूजमधेश डेस्क
जनकपुरधाम,२९ मंसिर । धारिलो हतियार प्रहार गरी एक महिलाको हत्या गरेको आरोपमा सिरहा प्रहरीले दुई जनालाई पक्राउ गरी सार्वजनिक गरेको छ ।
पक्राउ पर्नेमा मिर्चैया नगरपालिका २ मल्हनियाका २० वर्षीय राजकुमार महतो कोइरी र वडा नम्वर १ का २० वर्षीय नितेश कुमार रजक रहेका छन् ।
कर्जन्हा नगरपालिका १० स्थित अकरहिया जंगलमा घाँस काट्न गएकी मिर्चैया नगरपालिका २ मल्हनिया पिडारी टोलकी २६ वर्षीया लक्ष्मिनिया देवी कापरको मंगलवार हत्या भएको थियो ।
घटनापछि मधेश प्रहरी कार्यालय, जनकपुरबाट खटिएको तालिम प्राप्त कुकुर सहितको टोलीको सहयोगमा उनी दुवै जनालाई पक्राउ गरेको जिल्ला प्रहरी कार्यालय सिरहाले जनाएको छ ।
पक्राउ परेका दुबै जनामाथि कर्तव्य ज्यान मुद्दामा सिरहा जिल्ला अदालत, सिरहाबाट ७ दिनको म्याद लिई थप अनुसन्धान सुरु गरिएको ईलाका प्रहरी कार्यालय मिर्चैयाले जनाएको छ ।
हत्यापछि ति महिलाका आफ्न्त र स्थानीय मंगलवार मिर्चैयास्थित पूर्व पश्चिम राजमार्ग अवरुद्ध पारेको थियो ।
