काठमाडौँ,१८ असार। नेपाल आयल निगमले पेट्रोलियम पदार्थको मूल्य घटाएको छ । आज साँझ बसेको निगम सञ्चालक समितिको बैठकले उक्त मूल्य घटाउने निर्णय गरेको हो । नयाँ मूल्य आज राति १२ बजेदेखि लागू हुने निगमले जाएकाे छ ।
निगमले काठमाडौँ, पोखरा र दीपायलमा पेट्रोल, डिजेल र मट्टितेलमा प्रतिलिटर ५–५ रुपैयाँ मूल्य घटाएको छ भने तराईमा प्रतिलिटर साढे ७ रुपैयाँ घटाएको जारी विज्ञप्तिमा उल्लेख छ । यस्तै सुर्खेत र दाङमा प्रतिलिटर ६ रुपैयाँका दरले घटाएको निगमले जनाएको छ ।
त्यस्तै हवाई इन्धनको मूल्य पनि घटेको छ । आन्तरिक हवाई इन्धनको मूल्य प्रतिलिटर १४ रुपैयाँ तथा बाह्य इन्धनको मूल्य १५ रुपैयाँले घटेको निगमले विज्ञप्तिमा उल्लेख गरेकाे छ ।
