काठमाडौं ,३ भाद्र। जनमत पार्टीले प्रदेश सभा सदस्यहरुको कार्य मुल्यांकन गर्नको लागि गराएको ‘अनुमोदन रेटिङ’को नतिजा सार्वजनिक भएको छ।
मधेश प्रदेशमा १३ जना र लुम्बिनी प्रदेशमा ३ जना गरि १६ जना प्रदेश सांसदको कार्यसम्पादन मूल्यांकनका लागि जनमत पार्टीले शनिबार आन्तरिक निर्वाचन गराएको थियो।
शनिबार सम्पन्न ‘अनुमोदन रेटिङ्ग’को मतपरिणाम सार्वजनिक भएपछि १६ जना प्रदेश सांसदमा ४ जना फेल भएको हो।
फेल हुनेमा सिरहाका त्रिभुवन साह र भाग्यश्री कुमारी चौधरी छन्।साहको पक्षमा २० र विपक्षमा ७८ मत परेको थियो। चौधरीको पक्षमा २१ र विपक्षमा ७९ मत परेको थियो।
त्यस्तै महोत्तरीका चन्दनकुमार सिंह र अनिता कुमारी साह पनि फेल भएका छन्।सिंहको पक्षमा १४ र विपक्षमा २८ मत परेको थियो। त्यस्तै साहका पक्षमा १४ र विपक्षमा २३ मत परेको थियो।
सम्बन्धित क्षेत्रका पालिका प्रमुख,उपप्रमुख, वडाध्यक्ष तथा सो पदका प्रत्यासी मतदानमा सहभागी थिए। जिल्ला परिषद सदस्य र सोही भूगोलका केन्द्रीय सदस्यसमेत मतदानमा सहभागी थिए।
अनुमोदन रेटिङमा फेल भएका सांसदहरूलाई के गर्ने भनेर पार्टीमा छलफल गर्ने जनमत पार्टीका सचिव विपी साहले बताए।
फेलभएका यी चार जना सांसदमाथी विशेष अनुसन्धान गरि कार्वाही प्रक्रिया अगाडि बढाउने जनमत पार्टीका एक नेताले बताए।
यस्तो छ,निर्वाचनको नतिजा कसले पाए कति मत
