जनकपुरधाम ।कार्यकाल समाप्त भएको ६ महिना वितिसक्दा समेत जनकपुर अंचल पेट्रोलिय ढुवानी व्यवसायी संघका अध्यक्ष किशुनदेव साहले निर्वाचन गर्नबाट अस्विकार गर्दै आएको तथ्य फेला परेको छ ।
पेट्रोलियम डिलर्स एसोसिएसन जनकपुरधामका अध्यक्ष समेत रहेका किशुनदेव साहले निर्वाचन गर्नबाट अटेर गरेपछि बुधबार जिल्ला प्रशासन कार्यालय धनुषाले पत्र काटेको १५ दिन भित्र निर्वाचन प्रक्रिया सम्पन्न गर्न निर्देशन दिदा पत्र बुझ्न आनाकानी गर्दे आएको रहस्य समेत वाहिरिएको छ ।
प्राप्त जानकारि अनुसार ढुवानी संघका अध्यक्ष समेत रहेका किशुनदेव साहको कार्यकाल माघ २१ गतेनै समाप्त भएको र निर्वाचन गराई नया कार्यसमिति निमार्णका लागि पटक पटक ताकेता गर्दा समेत कुनै सुनवाई नगरेपछि संघ आवद्ध व्यवायीहरुले निर्वाचनका लागि जिल्ला प्रशासन कार्यालय धनुषामा निवेदन दिएका थिए ।
जिल्ला प्रशासन कार्यालय धनुषाले जेठ २३ गते ढुवानी संघलाई विधान अनुसार १५ दिन भित्रमा निर्वाचन सम्पन्न गराउन निर्देशन दिएका थिए ।
जिप्रका धनुषाले पत्र काटेपनि बुधबार संघले पत्र बुझनबाट अस्विकार गर्दै भोली आउन अहएका थिए । पत्र लिएर विहिबार पनि पुग्दा पत्र बुझनबाट अस्विकार गरेपछि हुलाक मार्फत पत्र पठाईने भएको संघसंग आवद्ध व्यवासायी हुकुमदेव साहले जानकारि दिएका छन् ।
