जनकपुरधाम ।धनुषाको कमला नगरपालिका-३ लगमामा रहेको राष्ट्रिय प्राथमिक विद्यालयको अतिक्रमण गरिएको जग्गा खाली गराउन माग गर्दै मेयर बिशेश्वर यादवलाई ध्यानाकर्षण गराएको छ।
अतिक्रमणमा परेका जग्गा खाली गराउन माग गर्दै जनमत पार्टी मधेश प्रदेस सदस्य दिपेन्द्र तेथवारसहित पार्टीका नेताकार्यकर्ताहरुले कमला नगरपालिकाका मेयर विशेश्वर यादवलाई ध्यानाकर्षण पत्र बुझाएको हो।
नेता तेथवारले मेयर यादवलाई ध्यानाकर्षण पत्र बुझाएपछि न्यूजमधेशसंग कुरा गर्दै उनले भने, ‘स्थानीय तहको निर्वाचन सम्पन्न भएको करिब दुई वर्ष भएको छ।तर,यो अवधिमा विद्यालयको अतिक्रमणमा परेका जग्गा खाली गराउन पटकपटक मेयर ज्यूलाई ध्यानाकर्षण गराएको सुनाए।’
विद्यालयको जग्गा असार १५ गतेसम्म खाली गराउनको लागि समय दिएको छ।यो अवधि भित्र खाली नभए आन्दोलनमा जाने नेता दिपेन्द्र तेथवारले मेयर यादवलाई चेतावनीसमेत दिएको छ।
मेयर विशेश्वर यादवलाई पटकपटक ध्यानाकर्षण पत्र बुझाएपनि विद्यालयको अतिक्रमणमा परेका जग्गा खाली गराउन अहिलेसम्म कुनै सुनवाइ नभएको स्थानीयहरुले बताउँछ ।
सार्वजनिक सम्पति सवैको साझा सम्पति हो भन्ने मूल्य मान्यतालाई स्वीकार गर्दै राष्ट्र र राष्ट्रियतालाई सर्वोपरी ठानेर अतिक्रमणमा परेको विद्यालयको १ बिघा २ कट्ठा १६ धुर जग्गा अतिक्रमणमा परेको छ। सो जग्गा खाली गराउन सबैको धर्म रहेको छ।
