न्यूजमधेश समचारदाता,जनकपुरधाम । सांसद प्रमोद साह पक्राउ परेको विरोधमा राष्ट्रिय जनता पार्टी नेपालका नेता तथा कार्यकर्ताहरुले बुद्ध एयरको कार्यलयमा तालाबन्दी गरेको छ।
फोटो: सिबेन्द्र रोहिता
यात्रुलाई सास्ती दिने हवाई कम्पनीलाई कारवाही गर्नुको साटो त्यसको विरुद्ध आवाज उठाएका सांसद साहलाई पक्राउ गरिएको भन्दै राजपा समर्थकहरुले आज बिहान १० बजे जनकपुरको कदम चौक स्थित रहेको बुद्ध एयरको कार्यलयमा राजपा नेपाल प्रदेश २ का प्रमुख सचेतक एवम् प्रदेश सांसद प्रमेश्वर साहको नेतृत्वमा ताल्चा लगाएको छ।उक्त कार्यक्रममा जनकपुरधाम उपमहानगरपालिकाका उपमेयर रिता झाको उपस्थिति समेत रहेका थियो।
यसैबीच समाचार संकलन गर्न पुगेका अप्पन टिभी पत्रकार संजय साह र टिभी टुडेका पत्रकार कुलदिप दास प्रेमीलाई प्रहरीले दुर्ववहार गरेको छ।
उनीहरुले बुद्ध एयर र सरकारविरुद्ध चर्को नाराबाजी गरेका छन् ।जनकपुर विमानस्थलमा रहेको बुद्ध एयरको काउण्टरमा तोडफोड गरेको आरोपमा राजपा सांसद साहलाई पक्राउ गरी जिल्ला प्रहरी कार्यालय धनुषामा राखिएको छ ।
