महेश सिंह , सिरहा । सिरहाको सखुनन्कारकट्टि गाँउपालिका ५ मा रहेको श्री आधारभुत विद्यालय इटहर्वाको अवस्था दयनिय भएको छ ।
विगत तिन चार महिना देखि प्र. अ. लखन मण्डललाई प्यारालाइसिस बिरामीले समातिए पछि वहाँ विद्यालयको लागि पुर्ण समय नदिईएको शिक्षिका विना कुमारी यादवले बताएकी छिन् । भौतिक संरचना दुरुस्त भए पनि शौचालयको अवस्था जिर्ण रुपमा देखियो ।
विधार्थीहरु खुल्ला ठाँउमा शौच गरे पनि हामी शिक्षिकाहरुलाई शौचालय जान कठिनाइ भइरहेको शिक्षिका यादवले गुनासो गरीन । यो विद्यालयमा कहिले पनि राम्रोसंग पढाइ हुदैन शिक्षकहरु समयमा आइदिदैन ।
शिक्षकहरु राजनितिक कुरा गर्छन । यसमा पहुचवाला शिक्षक रहेको र विद्यालयमा पढाइ नभएको स्थानिय युवा सन्तोष यादवले आक्रोस पोखे । विगत चार पाँच वर्ष देखि विद्यालयको हर हिसाव प्र. अ. ले नदिएको र विगत एक वर्ष देखि विद्यालय व्यवस्थापन समिति विहिन रहेकोले विद्यालयको यस्तो दुरदसा भएको हो ।
शिक्षकलाई पढाउनु भन्दा उल्टै पावरको धाक लगाउने स्थानिय राप्रपाका नेता जिवछ मरवैताले गुनासो गरेका हुन् ।विद्यालयमा दुइ दरवन्दि शिक्षक, तिन बाल बिकास शिक्षिका र एक कार्यलय सहयोगी गरी जम्मा छ जना कार्यरत रहेका छन् । कक्षा तिनसम्म संचालन रहेको सो विद्यालयमा विधार्थी संख्या भन्न नचाहे पनि पुरै विद्यालयमा जम्मा जम्मी दश जना विधार्थीहरुको उपस्थिती देखिएको थियो ।
