सौरभ यादव,राजविराज।सप्तरीको राजविराज नगरपालिकाकी एक बालिका अपहरणमा परेको घटना बाहिरिएको छ। यो घटनामाथि प्रहरीले उजुरी दर्ता नगरेको भन्दै सोमबार आफन्तले राजविराजमा आन्दोलन गरेका छन्।
राजविराज नगरपालिका वडा नं.७ मा बस्ने देवेन्द्र साहकी १४ वर्षिया गौरी साह अपहरणमा परेको विषय बाहिरिएको हो। राजविराजस्थित गौतम शिशु सदन बोडिङ्ग स्कुल कक्षा ९ मा अध्ययरन बालिकालाई राजविराजकै ३/४ जना युवाहरुले गत शनिबार साँझ (मंसिर १४ गते) अपहरण गरेको र उनीहरुविरुद्ध उजुरी दिन जाँदा प्रहरीले दर्ता नगरेको दाजु गोपाल साहले बताए।
साहका अनुसार विकास कर्ण, जयराम यादव, रुपेन्द्र यादव लगायतका युवाहरुको संलग्नतामा गौरीको अपहरण भएको हो। प्रदर्शनकै क्रममा ४-५ युवाहरुलाई प्रहरीले नियन्त्रणमा लिएको छ। जिल्ला प्रहरी कार्यालय सप्तरीका प्रहरी निरीक्षक प्रकाश बस्नेतले सोमबारै उजुरी दर्ता गरेर अनुसन्धान थालेको जानकारी दिए।
‘पीडित परिवारले सोमबार मात्रै उजुरी गर्न आएको हो, अपहरण नै भएको हो कि होइन भन्ने विषयमा अनुसन्धान भैरहेको प्रहरी निरीक्षक प्रकाश बस्नेतले जानकारी दिए।
