२१ चैत्र २०८१, शनिबार
05-04-2025 , Sat
×

विराटनगरलाई हराउँदै धनगढी विजय

Logo
प्रकाशित मंगलबार, पुष ०१, २०७६

न्यूजमधेश समाचारदाता
धनगढी ,१ पुस।पोखरा प्रिमियर लिग (पीपीएल) मा एक्स्पर्ट धनगढीले रोमाञ्चक जित निकालेको छ ।

विराटननगर टाइटन्सले टस जितेर फिल्डिङ रोजे पछि धनगढीले पहिलो ब्याटिङ गरेको थियो । धनगढीले विराटनगरलाई ११८ रनको सामान्य चुनौती प्रस्तुत गर्यो । तर, विराटनगरले यो चुनौती भेटाउन सकेन ।

जित नजिक पुगेको विराटनगरका ब्याट्सम्यान एकपछि अर्को गुम्दै गयो । अन्तिम ओभरमा विराटनगरलाई जितका लागि १५ रन आवश्यक थियो । राजेश पुलामी मगरलाई कप्तान दीपेन्द्रसिंह ऐरीले क्याच आउट गराए ।

यसपछि पुनिट महरासँग साझेदारीका लागि किशोरी महतो क्रिजमा आए । अन्तिम ओभरको तेस्रो बलमा महतोले छक्का प्रहार गरे ।

अर्को बलमा २ रन ल्याए । अब जितका लागि दुई बलमा सात रनको आवश्यता थियो । तर, कप्तान ऐरीले महतोलाई बोल्ड गर्दै जित निश्चित गरे ।

प्लेअर अफ दी म्याच ऐरीले तीन विकेट लिएर १९ रन खर्चिए । धनगढीका लागि सागर ढकाल दुई लिए भने अनिल खरेल, कमल ऐरी र अमित यादवले समान एक–एक विकेट लिए ।

विराटनगरका लागि विकेट किपर राजु रिजालले जोडेको २५ रन नै सर्वाधिक स्कोर बन्न पुग्यो । सुनिल धमला १६, पुनित मेहरा १५ र कप्तान प्रदीप ऐरीले १० रन जोड्न बाहेक अन्यले दोहोरो अंक जोड्न सकेनन् ।

११८ रनको चुनौती प्रस्तुत गर्न धनगढीका लागि भने कमल ऐरीले दुई छक्का र दुई चौकाको मद्दतमा २६ रन जोडेका थिए ।

कमेन्ट गर्नुहोस्
सम्बन्धित

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]

सिराहा : सिराहाको औरही ५ मा दीपक मलिकको घर भत्काइएको घटनाको प्रदेश सांसदद्वाय माननीय संजय कुमार यादव र जिवछी कुमारी यादवले संयुक्त रूपमा अनुगमन गरेको छ। अनुगमनका क्रममा घटनास्थलमै पुगेका उनीहरूले प्रदेश सरकारको तर्फबाट आवासको ग्यारेन्टी समेत गरेका छन्। मधेस प्रदेश सरकारबाट सञ्चालन हुने मदन भण्डारी आवास कार्यक्रम अन्तर्गत दुई कोठाको घर, किचन, बाथरूम लगायतको […]

सिराहा : धनगढीमाई नगरपालिका ८ सिराहामा तरकारी सङ्कलन केन्द्र तथा तरकारी बजारको लागि स्टल निर्माण कार्यको शिल्यानास भएको छ। जनमत पार्टीकी सांसद माननीय बिनिता कुमारी सिंह ज्यूको प्रमुख अतिथ्य तथा धनगढीमाई नगरपालिकाको नगर अध्यक्ष शिवशंकर महतोको उपस्थितिमा आज एक कार्यक्रम बीच उक्त कार्यको शिलान्यास भएको हो। सहरी विकास मन्त्रालय अन्तरगत सहरी विकास तथा भवन निर्माण […]