न्यूजमधेश समाचारदाता
मलगंवा ,१८ पुस। सर्लाहीको हरिवन नगरपालिका वडा नम्बर ३ का प्राथमिक बिद्यालय मोहनपुरका ८० जना छात्रछात्रालाई बिहीवार न्यानो कपडा बितरण गरिएको छ।
द बर्गर हाउस एण्ड क्रन्ची फ्राई चिकेनका संचालक वसन्त थोकर तामाबले बिद्यालयमा अध्यनरत बिद्यार्थीहरुलाई न्यानो कपडा बितरण गरेका हुन् ।
बिद्यालयद्वारा आयोजित एक कार्यक्रमका बिच संचालक तामाब र समाजसेवी युवा नेता संजिव मोक्तानले संयुक्त रुपमा ८० जना छात्रछात्रालाई ट्रयाकसुट बितरण गरे ।बिद्यार्थीलाई न्यानो कपडा बितरण गर्दै तामाबले जाडोबाट जोगाउन कपडा बितरण गरेको बताए ।
उनले न्यानो कपडा हस्तान्तरण गर्दै बिद्यार्थीलाई पढाइलेखाईमा ध्यान दिन आग्रह गरे । समाजसेवी मोक्तानले जाडोमा बिद्यार्थीलाई बिधालय जान कठिनाइ भएकोले न्यानो कपडाको ब्यबस्था मिलाईएको बताए । गरिव, बिपन्न बिद्यार्थीलाई न्यानो कपडाले ठूलो राहात पुग्ने हुदा सरकारले पनि सहयोग गर्नुपर्नेमा उनले जोड दिए ।
न्यानो कपडाकै कारण अतिबिपन्न परिवारका बिद्यार्थी बिधालय जानबाट बन्चित हुने गरेकोले सरकारी सहयोग आबश्यक रहेको मोक्तानको भनाई थियो । समाजसेवी मोक्तानको अग्रसरतामा द वर्गर हाउस एण्ड क्रन्ची फ्राई चिकेनले न्यानो कपडा उपलब्ध गराएको थियो ।
