न्यूजमधेश सम्बादाता
जलेश्वर,१९ फाल्गुण । महोत्तरीको लोहरपट्टी नगरपालिकामा आयोजित महाविर झण्डा मेलामा कुस्ती सुरु भएको छ । आइतवारबाट सुरु भएको कुस्तीमा भिड्न नेपाल र भारतका दर्जनौं पहलवान आइपुगेका हुन् ।
आईतवार भएको कुस्ती खेल हेर्न हजारौंको भिड लागेको थियो । नेपाल भ्रमण वर्ष २०२० लाई लक्षित गरेर महाविर झण्डा मेलाको आयोजना गरिएको नगर प्रमुख शैलेन्द्र कुमार यादबले जानकारी दिए । उनले झण्डा मेला भव्य रुपमा सफल पार्न जिल्लावासीसँग आह्वान समेत गरेका हुन् ।
समृद्ध लोहरपट्टीका लागि आन्तरिक तथा बाह्य पर्यटक भित्र्याउने उदेश्य पनि झण्डा मेलाको रहेको जनाएको छ । मेलामा दैनिक ठूलो भिड लाग्ने गरेको छ । मेलाले नेपाल भ्रमण वर्षलाई मद्दत पुग्ने विश्वास लिइएको छ ।
