न्यूजमधेश सम्बादाता
जनकपुरधाम ,२ चैत्र। समाजवादी पार्टी धनुषाले सबैला नगरपालिकामा कार्यालय स्थापना गरेको छ ।
प्रदेश २ का भुमि व्यवस्था,कृषि तथा सहकारी व्यवस्था मन्त्री शैलेन्द्र कुमार साहले शनिबार एक कार्यक्रमका बीच पार्टी कार्यालय उद्घाटन गरेका छन् ।
कार्यालय उद्घाटन गर्दै मन्त्री साहले संगठन सुदृढ गर्दै अघि बढ्नको लागि सबैमा आग्रह गरे ।सबैला नगरपालिकाका बैजनाथ यादवको अध्यक्षतामा भएको नगरस्तरीय पार्टी समायोजन, बिसु अभियान तथा कार्यालय उद्घाटन कार्यक्रममा मन्त्री साहले पार्टीले थालेको अभियानलाई सफल पार्नको लागि सबै भ्रातृ संगठन,जनवर्गिय संगठनहरुले पनि सहयोग गर्नुपर्ने धारणा राखे ।
कार्यक्रममा केन्द्रिय सदस्य एवम् बिसु अभियान निर्वाचन क्षेत्र नम्बर १ का अभियन्ता दीपक कार्की, साधु यादव,उमेश साह, केन्द्रिय परिषद्स दस्य रामउदगार यादव, पर्मिला यादव, धनुषा जिल्ला समन्वय समितिका अध्यक्ष पशुपति यादव, प्रदेश सदस्य विजय भगत,जिल्ला उपाध्यक्ष अम्बु साह,समाजवादी विद्यार्थी युनियनकासत्रुधन यादव लगायतको उपस्थिति रहेको थियो ।
