न्यूजमधेश सम्बादाता
जनकपुरधाम,२ चैत्र। ईलाका प्रहरी कार्यालय महेन्द्रनगर, प्रहरी चौकी लक्ष्मीनिया र प्रहरी चौकी बटेश्वरद्धारा ५ सय लीटर मदिरा बनाउन राखिएको कच्चा पदार्थ र तयारी मदिरा २ सय लीटर शनिबार नष्ट गरिएको छ ।
प्रहरीले धनुषाको विभिन्न स्थानमा रहेको अवैध रुपमा संचालन घरेलु मदिरा भट्टीहरुबाट मदिरा बनाउने १ थान मेसिन, कच्चा पदार्थ राख्ने खाली ड्रम १९ वटा, मदिरा बनाउने भाडा ११ सेट र ३३ थान प्याष्टिकको ग्यालिन समेत बरामद गरिएको जनाएको छ ।
जिल्लाको क्षीरेश्वरनाथ नगरपालिका वडा नं.२ र जनकपुरधाम उपमहानगरपालिका ७ मा घरेलु मदिरा सेवनले गर्दा १४ जनाको मृत्यु पछी विभिन्न स्थानमा संचालनमा रहेको भट्टीहरु बन्द तथा मदिरा नष्ट गर्ने अभियान प्रहरीले थालेको छ ।
