न्यूजमधेश सम्बादाता
काठमाण्डु,५ चैत्र ।राष्ट्रिय जनता पार्टी(राजपा)नेपालको अध्यक्ष मण्डलका संयोजक फेरिएका छन् ।चैत ५ गतेदेखि शरत सिंह भण्डारी राजपा अध्यक्ष मण्डलका संयोजक बनेका छन् ।
संयोजक महेन्द्र राय यादवले मंगलवारी जारी गरेको विज्ञप्तिमा बुधवारदेखि भण्डारी संयोजक भएको जनाए ।राजपाको केन्द्रिय अध्यक्ष मण्डलका संयोजक हरेक २ महिनामा फेरिने गरेकोछ ।
राजपामा अन्य कुनै काम समयमा नभएपनि अध्यक्ष मण्डलका संयोजक ठिक दुई महिनामा परिवर्तन हुने गरेकोछ ।यादवको कार्यकाल पुरा भएपछि भण्डारी संयोजक बनेका छन् ।
भण्डारीपछि अनिल झा संयोजक हुने छन् ।संयोजक फेरिएपनि त्यसले गर्ने कामको ‘मार्ग चित्र’ बनेको छैन् ।यादव संयोजक रहेका बेला समाजवादी पार्टीसित एकिकरणका लागि निरन्तर प्रयास गरेका थिए ।तर अध्यक्ष मण्डलका अन्य सदस्यहरुको असहयोगको कारण पार्टी एकिकरण हुन सकेन् ।
भण्डारी संयोजक भएपछि पार्टीलाई संघीय सरकारमा सहभागि गराउने भरमग्दुर प्रयास गर्नेछन् ।उनले पार्टीलाई सरकारमा सहभागि गराएर मन्त्री बन्ने ध्याउन्नमा छन् ।यसका लागि उनलाई राजकिसोर यादव र अनिल झाले पूर्ण समर्थन गर्नेछन् ।
राजपाले हाल सम्म महाधिवेशन गर्न सकेको छैन् ।महाधिवेशनका लागि तल्लो निकायहरुको अधिवेशन समेत गर्न सकेको छैन् ।अबको महाधिवेशन एकताको महाधिवेशन हुने नारा दिएपनि त्यसका लागि औपचारिक वार्ता समेत सुरु हुन सकेको छैन् ।
पार्टी एकिकरण र महाधिवेशनको तयारीको प्रकृया अगाडी बढाउन नसकेको राजपाको जेठ महिनाको ५ गते झा संयोजक बनाइनेछ ।राजपा प्रदेश २मा स्थिति अझ भयावह छ ।
