मनोज बनैता, लहान, २६ चैत । कोरोना कहर को कारणले मुस्लिम समुदायले बिहिवार परेका शबे बरात पर्व घरमै मनाउने भएका छन् । मुस्लिम आयोगका अध्यक्ष समिम मिया अन्सारीले प्रेस बिज्ञप्ती जारी गर्दै उक्त निर्णय गरेका हुन ।
वहाँ द्वारा जारी गरिएको बिज्ञप्तीमा भनिएको छ कि मुस्लिम समुदायलाई यसपालि मस्जिद र कब्रीस्तानमा नगई घरमै बसेर इबादत (उपासना) गर्न अपील गरिन्छ । कोरोना संक्रमण को चेन तोडन लकडाउन कार्यान्वयनमा सहयोगी बन्दै मुस्लिम समुदायले यस्तो निर्णयमा पुगेको युथ मुस्लिम वेल्फेयर सोसाइटिका अध्यक्ष इसराइल सिद्दिकिले जानकारी दिनुभयो ।
मङ्गलवार सामाजिक दुरी कायम गर्दै बसेको सानो बैठकमा लहानका मुस्लिम अगुवाहरु अब्दुल करिम, मो. मक्बुल, मो. नियमुदिन्, फिरोज सिद्दिकि, मो. मुस्तकिम, मो. मुन्ना, मो. नयिम, मो. इसाक, मो. आबिद, इसराइल सिद्दिकि लगाायतकाहरुले लक डाउनको पल्ना गर्दै आ-आफ्नै घरमा पर्व मनाउने निर्णय गरेका हुन ।
