मनोज कुमार मोरबैता
जनकपुरधाम,३० चैत्र । सिके राउत नेतृत्वको जनमत पार्टीको विद्यार्थी संगठन विद्यार्थी जनमत संघले चैत महिनाको स्कुल शुल्क नलिन मन्त्रिपरिषद्बाटै निर्णय गरी निर्देश गर्न माग गरेको छ ।
संघका केन्द्रीय अध्यक्ष पोषण कुमार यादवले आईतबार बिज्ञप्ती जारी गर्दै उक्त माग गरेका हुन् । उनले चैत महिनाको घर भाडा छुट गर्न र प्रहरीसम्मलाई निर्देशन दिई कडाईका साथ पालना गर्न लगाउन माग गरेका छन् ।
लकडाउन थप रहन सक्ने भएकाले प्रहरी, डाक्टर, राज्यको सुरक्षामा विद्यार्थीलाई आफ्नो गृह जिल्ला पठाउने व्यवस्था मिलाउन, घर भन्दा बाहिर रहेको मजदुरको दैनिक आम्दानीमा रुकावट आएकाको ठेगाना पत्ता लगाई उसको घर रहेको स्थानिय सरकारलाई निर्देशन दिई रासन पुगाई जिवन रक्षा गर्न पहल गर्न, कतिपय बोर्डिङ स्कुलमा फाईनल परीक्षा नभएकाले ती प्राईभेट स्कुलले तलब पनि नदिएकाले त्यस्तालाई तलब दिई आर्थिक सहयोग गर्न बिज्ञप्तीमा माग गरिएको छ ।
सम्भवतः अनलाइन कक्षाको प्रवन्ध मिलाउन स्कुललाई निर्देशन दिन, कोरोनाको मौका छोपी स्थानीय सरकार, प्रदेश सरकार, केन्द्र सरकारको भ्रष्टचार छुपेको नहुनाले सहज, सम्मानजनक र पारदर्शी रुपमा राहत वितरण गर्न पनि अनुरोध गरिएको छ ।
