मनोज बनैता
लाहान, ३ बैशाख । कोभिड -१९ को कहरले संसारै भर हडकंप मचाएको छ । देशमा लकडाउन बैशाख १५ सम्मको लागि लम्बिएको छ । नेपाल सरकारले बिपन्न वर्गमा खाद्यान्न लगायतका राहत बाँडी लकडाउन को पुर्न पालना गर्नगराउन निर्देश भएको बेला सिरहाको लाहान नगरपालिकाद्वारा राहतको नाममा कुहिएको चामल बाँडिएको छ । दैनिक मजदुरी गरेर दुई छाँक टार्ने वर्ग मजदुरी गर्न नपाएपछि हातमुख जोड्न अप्ठ्यारोमा छन ।
यता सिराहाको लहान नगरपालिकाले एक करोड ३० लाख खर्च गरेको छ राहत बाँडने काम गर्नैलाग्दा राहतमा बाडिएको चामल कुहिएर डल्लो परेको गुनासो आउने क्रम जारी छ । राहतमा पाएका चामलको भात खाँदा कैयौं लाई पखाला लागेको पनि खबर प्राप्त भएको छ ।
प्राप्त सुचना अनुसार नगरपालिकाले खाद्य संस्थान अञ्चल कार्यालयबाट चामल खरिद गरेको थियो । एक हजार ६ सय क्विन्टल चामल किनेर नगरपालिका ल्याएपछि नयाँ प्याकिङ गरेर २०–२० किलोको पोका बनाइएको थियो । कुहिएको चामल खाँदा पेट दुखेर पखाला लागेको गुनासो खासगरी वडा नं. ५, १५ र २४ बाट आउने क्रम जारी छ ।
लाहान ५ का लक्ष्मी मेस्तर ले भनिन ‘खानेकुरा नभएकाले त्यही चामल पनि खाए, तर मैले निल्न नसकेपछि भातै फाल्नु पर्यो । ‘ त्यसैगरी लाहान ५ को कृष्ण कन्हैया, लाहान २४ लगनलाल पासवान लागायत ले यस्तै समस्या सुनाए । यता नगरपालिकाले ‘बितरित चामल गुणस्तरमा कम नभएको’ दावी गर्दै आएका छन ।
