मनोज बनैता, लाहन, ६ बैशाख । कोभिड -१९ महामारीमा आर्थिक रुपमा संघर्ष गरिरहेका बिपन्नहरुलाई स्थानीय समाजसेवी संगिता कर्माचार्य र महेश चौधरीको अगुवाइमा राहत बितरण हुँदै आएको छ । नगरपालिका द्वारा नाम समेटिएका वास्तविक पीडितलाई पनि वहाँहरुद्वारा राहत दिईएको बताईएको छ ।
प्रत्येक वार्डमा वास्तविक अति विपन्नको डाटा संकलनगरि राहत बाँडिने काम भईरहेको कर्माचार्य ले बताउछिन् । उनी भन्छिन ‘ यस्तो विपदको बेलामा राहतको नाममा राजनीति गर्नेहरु थुप्रै छन । यि राजनैतिक रोटी सेक्नेहरु ले गर्दा हुनसक्ने सम्भावित भोकमरी ले हामी लाई पिरोलेको छ त्यसकारण हामी यस अभियानमा लागेका छौं ।’ ब्यक्तिगत खर्चमा राहत बाँडने महेश चौधरी र संगिता चौधरीको जोडी अहिले चर्चामा छन ।
चौधरी र कर्माचार्यले स्थानीय ब्यापारीहरु तथा सम्पन्न ब्याक्तित्व समेतलाई समेटेर राहत बाँडने काम गरिरहेका छन । सुचना अनुसार कर्माचार्यको अगुवाइमा लाहान ७ मा पर्ने पशुपति आदर्श मावीको दक्षिण पट्टि रहेका दैनिक ज्यालादारी गरि खाने परिवारलाई राहत सहयोग गरिएको हो । दैनिक रुपमा राहत सहयोग गर्दै आएका यिनी स्थानिय नागरिक समाजका अगुवाहरु ले नगरपालिका द्वारा गन्दै नगनिएकाहरुको पनि आफ्नो लगानीमा सहयोग गरेका छन । लाहान ७ मा महेश चौधरी, संगीता कर्माचार्य, प्रहलाद सापकोटा र माखन भोग स्विट्स का संचालक ले १० केजी चामल, १ लिटर तेल, १ केजी नुन लौका एक पिस लगायतका राहत सामग्री सहयोग गरेका छन ।
त्यसैगरी लहान नगरपालिका वाडा नं-१५ को अति बिकट ठाउँ बेतहा खाेला का बिपन, गरिब, असहाय तथा एकल महिलाहरुलाई १० केजी चामल,१ पेकेट तेल ,१केजी दाल,२ केजी आलु, १ केजी नुन,१ पिस लुगाधुने,१ पिस हाथधुने साबुन ८० घर परिवारलाई बितरण गरेका छन । यसमा उनीहरुलाई स्पिरलोजिकल ईन्टरनेशनल प्राइभेट लि. (यु.एस.ए) , समीर उपाध्याय , प्यारागन स्कुल, एपोलो स्कुल र वडा अध्यक्ष तेज नारायण चौधरीको आर्थिक सहयोग गरेको बताईएको छ ।
महेश चौधरी नेपाली काङ्ग्रेसका केन्द्रिय सदस्य र संगिता कर्माचार्य नेपाल महिला संघ का केन्द्रिय सदस्य भएपनि उनीहरू अहिलेको अवस्थामा राजनैतिक परिचय लुकाउदै राहत बाडिरहेका छन । कर्माचार्यको अनुसार यो विपदको बेला पार्टी र संगठन भन्दा माथी उठेर मानव कल्याणका निम्ति संघर्ष गर्ने समय हो ।
