मनोज बनैता
सिरहा, २ जेष्ठ । सप्तरीका एक वडा अध्यक्षले दिल्लीबाट आएका आफ्ना छोरालाई क्वारेन्टाइन न पठाई घरमै लुकाएर राखेको खबर छ । पढाईको सिलसिलामा भारतको दिल्लीमा बस्दै आएका सप्तरी बोदे बरसाईन नगरपालिका -६ का युवक बुधबार राति घर आएका हुन ।
प्राप्त जानकारी अनुसार दिल्लीबाट आएका युवक बोदे बर्साइन नगरपालिका– ६ का अध्यक्ष जयराम साहका छोरा हुन ।
उनी भारतको नयाँ दिल्लीमा इन्जिनियरिङ अध्ययनरत छन । (नाम गोप्य राख्ने शर्तमा) स्थानीयले भने ‘हाम्रा अध्यक्ष ज्युले छोरा दिल्लीबाट आएपनी क्वारेन्टाइनमा नराखी घरमा लुकाएकोले सम्पुर्ण बोदे बरसाईन नै सम्भावित संक्रमणको खतरामा छ’ उनले भने कि अध्यक्षको नैतिक जिम्मेवारी हो कि आफ्नो छोरालाई केहि दिन क्वारेन्टाइनमा राखोस ।
