न्यूजमधेश सम्बादाता
सिरहा,१० जेठ।लकडाउनबाट प्रभावित भएका ६४ घरपरिवारलाई जनमत पार्टीले राहत वितरण गरेको छ।
खाडी मुलुकमा रहेका जनमत पार्टीका नेता तथा कार्यकर्ताहरुको आर्थिक सहयोगमा सिरहाको सुखिपुर नगरपालिका वडा नं.५ लडकनहामा पार्टीका वडासंयोजक राम आशिष ठाकुरको अध्यक्षता अति विपन्न र मुस्लिम समुदायका ६४ घरपरिवारलाई राहत वितरण गरेको छ।
राहतमा १५ किलो चावल,१ किलो नुन,तेल,सुवाबिन,आलु,नुहाउने र कपडा धुने साबुन लगाइतका सामग्रीहरु वितरण गरेको जनमत पार्टी सुखिपुर नगरपालिकाका संयोजक सन्तोष कुमार यादवले बताए ।
संयोजक यादवले भने लकडाउनको २ महिना वित्न विती सक्दा अहिले विपन्न परिवारले राहत पाएको छैन।
उनले भने स्थानीय सरकार राहत वितरण गरेपनि जसलाई राहतको आवश्यकता रहेको घरपरिवारलाई राहत नदिई यस्ता विपत्रको समयमा सबै जना मिलेर कोरोना भाइरस विरुद्धको लडाइमा एक जुड भएर सहयोग गर्नु पर्ने आवस्यकता थियो।तर सुखिपुर नगरपालिकाका मेयर र वडाध्यक्षले आफ्नो पार्टीका कार्यकर्तालाई मात्र राहत वितरण गरेको संयोजक यादवले आरोप लगाएको थियो ।
उनका अनुसार जनमत पार्टी सिरहाको औरही गाउपालिकाका संयोजक पंकज कुमार सिंह, राकेश मण्डल ,उपेन्द्र कामती ,विजय मुखिया,राम उदगार साह,ओम प्रकाश ठाकुर,रमेश सिंह र शिवकुमार यादवलगाईतको स्थानीयहरु उपस्थितिमा राहत वितरण भएको छ।
