न्यूजमधेश डेस्क
जनकपुरधाम,२६ श्रावण । प्रदेश नम्बर २ मा कोरोना भाइरसको बढ्दो त्रासका कारण धनुषाको कमला नगरपालिकामा अति अत्यावश्यक कार्य बाहेक सम्पूर्ण कामकाज सोमबारदेखि बन्द गरिएको छ ।
कमला नगरपालिकाले एक सूचना जारी गरि सोमबारदेखि कार्यालयका अति अत्यावश्यक काम बाहेक सम्पुर्ण कामकाज बन्द गरेको हो ।
विश्वभर महामारीको रुपमा फैलिएको कोरोना भाइरस संक्रमण रोकथाम तथा नियन्त्रणका लागि आजदेखी भाद्र १ सम्मको लागी नगरपालिकाको ९ वटै वडा कार्यलयबाट प्रभाव हुदै आएको अनि आवश्यक सेवाहरु बाहेक सम्पुर्ण कामकाज बन्द गरेको नगरप्रमुख रामउदगार गोइतले बताए।
नगरपालिकाले संक्रमण फैलिन नदिनका लागि सतर्कताका साथ असहज परिस्थितिमा सम्पुर्ण नगरबासीबाट सहयोगको लागी नगरप्रमुख गोइतले अनुरोध गरेको छ ।
