न्यूजमधेश डेस्क
जनकपुरधाम,२ पुस।बाबु आमामा लागि सन्तान त्यति प्यारो हुन्छ की सन्तानलाई बचाउन हरदम आफू मर्न पनि तयारी हुन्छन् । तर यहाँ एक बाबु यस्ता निर्दयी देखा परे, जस्ले ओछ्यानमा पिसाब फेरेकै निहुँमा आफ्नो ३ वर्षको छोराको कुटीकुटी हत्या गरे ।
घटना भारत उत्तर प्रदेशको कानपुर जिल्लामा घटेको हो । अनि आफ्नै छोराको हत्या गर्ने सन्काहा बाबु हुन्, सन्तराम प्रजापति ।
यस्तो थियो घटना
सन्तरामको परिवार उत्तर प्रदेशको हमीरपुर जिल्लाको छानी खुर्द गाउँ निवासी हुन् । उनको परिवार मजदुरी गरेर जिविकोपार्जन गर्दै आएको थियो । उनको परिवारमा पत्नी अनिता, अन्जना र खुसी नाममा दुई छोरी र ३ वर्षका छोरा रविन्द्र थिए ।
सन्ताराम केहीदिन पहिले कानपुर जिल्लाको घाटमपुर नजिकैको एक गाउँमा सञ्चालित इँटा भट्टामा काम गर्नका लागि पुगेका थियो । उनको साथमा उनका परिवारका पाचै जना गएका थिए । भट्टानजिकै अस्थायी टहरो बनाएर सन्तारामको परिवार बसेको थियो ।
पत्नी अनिताले प्रहरीसमक्ष बताए अनुसार मंगलबार बिहान सन्तराम सुतिरहेका थिए । उनी सुतिरहेकै ओछ्यानमा छोरा रविन्द्रले पिसाब गरिदिए। छोराले पिसाब गरेपछि सन्तराम ब्यूँझिए । निकै रिसाएका उनले छोरालाई कुट्न थाले । सन्तरामका छोरीहरुले बाबुलाई रोक्न खोजे । छोरालाई कुट्न छाड्नुको सट्टा उनले दुवै छोरीहरुलाई पनि कुटपिट गर । पत्नी अनिताले पतिलाई रोक्न खोजिन् । सन्तराम पत्नीमाथि पनि जाइलागे । उनले छोरा रविन्द्रलाई निरन्तर कुटिरहे भैमा पनि पछारे । जबसम्म छोराको प्राण गएन तबसम्म कुटिरहे।
छोरोका मृत्युपछि सन्तरामले घटना बाहिर नल्याउन भन्दै पत्नी र छोराछोरी सबैलाई चेतावनी दिए । यसबारे कसैलाई भनेमा सबैलाई मारिदिने धम्की पनि दिए । घटना सार्वजनिक हुने डरले उनले त्यस ठाउँ छाड्ने निधो गरे । मृतक छोराको शव झोलामा हालेर पत्नी र दुई छोरीसहित त्यो ठाउँ छाडे । आँखै अगाडि छोराको मृत्यु देखेकी अनिताले त्यो घटना सहन सकिनन् अनि बुधबार साँझ आफ्नो भाइ अजयलाई यसबारे जानकारी दिइन् ।
अजयले यो घटनाको जानकारी प्रहरीलाई दिए । अनि घाटमपुर प्रहरीले बालकको शव बरामद गरी सन्तरामलाई पनि पक्राउ गर्यो । उनले प्रहरीसमक्ष आफ्नो कसुर स्वीकार गरिसकेका छन् । हत्याको मुद्दा दर्ता गरी सन्तरामलाई प्रहरी हिरासतमा पठाइएको छ । -एजेन्सी
