न्यूजमधेश डेस्क
जनकपुरधाम, १५ फागुन । जनकपुरधाम उद्योग बाणिज्य संघको आसन्न निर्वाचनमा उपाध्यक्ष पदमा उम्मेदबारी दिने शिवम ट्रेडर्सका संचालक अम्भु प्रसाद साहले बताएका छन् ।
शनिबार नेपाल पत्रकार महासंघ धनुषाको सभा हलमा पत्रकार सम्मेलन गर्दै साहले उपाध्यक्षमा उम्मेदबारी दिने घोषणा गरेका हुन् ।
धनुषा जिल्लाका सम्पूर्ण उद्योगी, व्यापारी तथा व्यावसायीहरुको हकहितको संरक्षण तथा सम्वद्र्धन गर्दै राष्ट्रको आर्थिक तथा सामाजिक विकासका निम्ति आफूले उम्मेदबारी घोषणा गरेको उनले बताए ।
आफू उपाध्यक्ष बनेपछि उद्योग तथा बाणिज्य तथा श्रम सम्बन्धी विवादको मध्यस्ता गर्ने गराउने र सोको निम्ति सबै किसिमको आवश्यक कार्य गर्ने उनले प्रतिबद्धता जनाए ।
