न्यूजमधेश डेस्क
जकपुरधाम ,२६ फागुन । डा सीके राउत नेतृत्वका जनमत पार्टीमा प्रवेशको लहर चलेको छ ।
मधेशका विभिन्न जिल्लाहरुमा अहिले विभिन्न पार्टी परित्याग गरि जनमत पार्टीमा प्रवेशको जनलहर चलिरहेको छ ।
मंगलबार महोत्तरी जिल्लाको महोत्तरी गाउँपालिकामा प्रथम गाउँपालिका अधिवेशनमा विभिन्न पार्टी परित्याग गरि १ सय ५० जना भन्दा बढी नेता कार्यकर्ताहरु जनमत पार्टीमा प्रवेश गरेका हुन् ।
नव प्रवेशिलाई जनमत पार्टीका राष्ट्रिय अध्यक्ष डा सीके राउतले अबिर फुलमाला लगाएर स्वागत गरे ।उनीहरुलाई जनमत पार्टीको सदस्ता समेत दिएको छ ।
उक्त कार्यक्रममा जनमत पार्टीका केन्द्रीय ,जिल्ला ,स्थानीय नेता तथा कार्यकर्ताहरुको उपस्थिती रहेको थियो ।
