न्यूजमधेश डेस्क
काठमाडौं ,३० बैशाख ।बिहीबार नेकपा एमालेका अध्यक्ष एवं प्रधानमन्त्री केपीश शर्मा ओलीबीच कुरा मिलेसँगै माओवादी केन्द्रको विजोग भएको छ ।
बिहीबार माओवादी केन्द्रको आकस्मिक स्थायी समिति बैठक बसेको थियो । माधव नेपाल र प्रधानमन्त्री ओलीबीच सहमति हुने भएपछि यतिबेला माओवादीका नेताहरु सन्त्रसित भएका छन् ।
स्थायी समिति बैठकको बीचमै बाहिरिएका नारायणकाजी श्रेष्ठले माधव नेपाल समुहको निर्णयपछि मात्रै नयाँ सरकार गठनको प्रक्रियामा जाने कि नजाने निर्णय हुने बताएका छन् । यसको अर्थ नेता नेपालको साथबीना माओवादी केन्द्रको विजोग हुने देखिएको हो ।
तर, माधव नेपाल र ओलीबीच लगभग सहमति अन्तिम बिन्दुमा पुगेको छ । यस्तोमा सहमति बनिसक्यो भने केही माओवादी नेताहरुले पार्टी छोडेर एमाले प्रवेश गर्न सक्ने सम्भावना हुनेछ । यसअघि थुप्रै नेताहरुले माओवादी केन्द्र त्यागिसकेका छन् ।
