महेश कुमार दास
महोत्तरी,६ जेष्ठ । कारोनाको दोस्रो लहर न्युनिकरणका लागि महोत्तरीमा पनि निषेधाज्ञा जारी छ । निषेधाज्ञाका कारण सर्वसाधारणहरु घरभित्र बसेर आ–आफुलाई सुरक्षितय राखेका छन् तर वन तस्करहरुलाई भने निषेधाज्ञाले छेकेको देखिँदैन । निषेधाज्ञाकै मौकाछोपी तस्करहरु वन तस्करमा लिप्त भएका छन् ।
यस्को ज्वलन्त उदाहरण हो मंगलबार अवेर राति बर्दिवास नगपालिका ८ हात्तीलेटबाट अवैध सालको तस्करी गरि लग्दै गरेको ४० क्युफिट काठ वरामद हुनु हो । वन गस्ती टोलिले मंगलबार अवेर राति सागरनाथ वन विकास परियोजनाको हात्तिलेट युनिटको १० नम्बर पलोटबाट तस्करहरुले कटान गरि दश वटा साइकलमा तस्करी गरि लैजाँदै गरेको १० थान अर्थात ४० क्विुफिट काठ बरामद गरेका हुन ।
डिभिवन वन कार्यालय महोत्तरीको सशस्त्र वन सुरक्षा शाखा माइस्थानका रेन्जर सन्तोष कुमार यादवका अनुसार, मंगलबार अवेर राती उक्त काठ बरामद भएको हो । वन गस्ती टोलीलाई देखेपछि काठ तस्कर भने फरार भएको रेन्जर यादवले बताएको छ ।
रातिको समय र निषेधज्ञामा सर्वसाधारणको आवतजावत नरहने मौका छोपी तस्करहरुले जंगलबाट सालको काठ कटान गरि साईकलमा लहरै लगाएर लग्दै गरेको अवस्थामा वनगस्ती टोलि संग जम्काभेट भएपछि तस्करहरु साईकलमा लोड गरिएको काठ छाडेर फरार भएको उनले बताएको छ ।
वरामद भएको काठ र साईकल सहित वनगस्ती टोलिले आफनो नियन्त्रणमा लिई आवश्यक अनुसन्धान अघि बढाएको छ ।
