न्यूजमधेश डेस्क
जनकपुरधाम ,१८ श्रावण । डा सीके राउत नेतृत्वको जनमत पार्टीको जनवर्गीय संगठन अन्तर्गत डिप्लोमा ईन्जिनियर जनमत संघको जिल्ला तदर्थ कार्यसमिति धमाधम गठन भैरहेको छ ।
डिप्लोमा ईन्जिनियर जनमत संघका राष्ट्रिय संयोजक मुकेश मैरताले न्यूजमधेश संग कुरा गर्दै उनले अहिले सम्ममा ७ वटा जिल्लाहरुमा डिप्लोमा ईन्जिनियर जनमत संघको तदर्थ समिति गठन भइसकेको जानकारी दिनुभयो।
जसमा सप्तरी जिल्लामा प्रमोद ईश्वरको अध्यक्षतामा १९ सदस्य, सिरहा जिल्लामा श्याम सुन्दर शाहको अध्यक्षतामा १९ सदस्य,धनुषा जिल्लामा विवेक मरबैता यादव अध्यक्षतामा १३ सदस्य,महोत्तरी जिल्लामा सुनील कुमार मण्डल अध्यक्षतामा १३ सदस्य, बारा जिल्लामा प्रदिप कुशवाहाको अध्यक्षतामा १९ सदस्य गठन भैसकेको संघका संयोजक मैरताले बताउनुभयो ।
त्यस्तै, रुपन्देही जिल्लामा दुर्गेश यादवको अध्यक्षतामा १३ सदस्य, नवलपरासी जिल्ला मुना प्रसाद सहनीको अध्यक्षामा १३ सदस्य गठन भइसकेको छ ।
यता मोरङ, सुनसरी, सर्लाही, रौतहट लगायत बाँकी रहेका जिल्लाहरुमा संगठन विस्तार गर्ने तयारी भैरहेको छ ।
संघका केन्द्रीय संयोजक मैरताले भने – “संगठनले आउँदो दशैं सम्ममा महाधिवेशन गर्ने समेत दावी गरेको छ ।”
