न्यूजमधेश डेस्क
जनकपुरधाम ,११ भाद्र । लगातार वर्षाको कारण औरही आसपासको क्षेत्र जलमग्न भएको छ ।
वर्षाको निरन्तरताकै कारणले जलाद नदीमा आएको बाढीले धनुषाको औरही गाउँपालिका अन्तर्गत देउरी ,परवाहा ,पौडेश्वर ,पुरन्दाहा,भराख लगाइतका ५ सय भन्दा बढी घरहरु डुबानमा परेको स्थानीय युवा अमन यादवले बताए ।
उनले भने , ढल निकासको उचित व्यवस्थापन नहुँदा औरही गाउँपालिकामा सामान्य वर्षा हुँदा पनि जलमग्न हुने गरेको छ । पानी जमेपछि पैदल यात्रीलाई आवतजावतमासमेत समस्या भएको छ ।
निरन्तरको वर्षातले गाउँपालिकाका विभिन्न ठाउँ डुबानमा भएकाले थप जोखिम हुन सक्ने अनुमान गरिएको छ ।
