ओपि साह
जनकपुरधाम,१९ भाद्र । नेपाल रेडक्रस सोसाइटीले आफ्नो ५९ औं स्थापना दिवस मनाइएको छ ।
जनकपुरधाम स्थित जानकी आँखा अस्पतालमा एक कार्यक्रमको आयोजना गरी ५९ औं स्थापना दिवस मनाएको हो ।
आँखा अस्पतालका सभापति आन्नद कुमार यादवको अध्यक्षतामा भएको कार्यक्रममा वक्ताहरुले समाजसेवी समाजका एक गहना हुन बताउँदै विगतमा समाजसेवीले गरेको समाजसेवाको मुल्याङ्गन हुनु जरुरी छ ।
समाजसेवाको नाममा कतिपयले कमाइ खानो भाडो समेत बनाइसकेकोले हाम्रो समाजमा असल समाजसेवीको अवश्यता रहेको बताएका छन् ।
विगतमा भौतिक रुपमा ठोस काम गरेका समाजका प्रेरणाका उच्च स्रोत रहेको बताउँदै दाताहरुलाई उचित सम्मान हुनुपर्नेमा जोड दिएका छन् ।
कार्यक्रममा दाता परिवारका रुपेश सिंह,समाजसेवी अमरचन्द्र अनील, आखाँ अस्पतालका मेडिकल सुपरिडेन्ट डा। आशिष बोहरा,कोषाध्यक्ष संजय प्रसाद साह, नेत्र अधिकृत रुदल प्रसाद साह लगायको उपस्थिति रहेको थियो । कार्यक्रमको उद्घोषन शशीकान्त झाले गरेका थिए ।
