न्यूजमधेश डेस्क
जनकपुरधाम ,२१ असोज ।धनुषाको कमला नगरपालिकामा घटस्थापनाको अवसरमा कलश यात्रा निकालिएको छ ।
तराइ मधेशका धनुषासहित विभिन्न ठाँउहरुमा कलश यात्रा निकालिएको हो ।
कमला नगरपालिका वडा नम्बर ४ सघारास्थित रहेको दुर्गा मन्दिरको प्राङगढबाट करिब ४ सयभन्दा बढीको कलश संख्यामा बाजागाजासहित निकालिएको कलश यात्राले गाउँ बिभिन्न भागको परिक्रमा गदै धनुषा सिरहा जोड्ने कमला नदीमा जलभरेर मन्दिरमा स्थापित गरिने कार्यक्रम रहेको पुजा समितिका अध्यक्ष राम जुनुम यादवले बताए ।
हिन्दु धर्मावलम्बीहरुको महान चाड दशैको उपलक्षयमा तराइका बिभिन्न ठाँउहरुमा बनाइएका दुर्गा भवानीको प्रतिमालाई नेत्र प्रदान गर्न कलश यात्रा निकालिने गरिन्छ ।
यो पर्वमा प्रतिमाको रुपमा दुर्गा भगवतीलगायत सात सहेली र एक भाइ गणेश मानेर पुजाआजा गर्ने परम्परा पुजा समितिका संस्थापक अध्यक्ष उपेन्द्र यादवले बताउनुभयो ।
