राजविराज, ९ कातिक ।
युवा शक्ति क्लव विष्णुपुर, द्धारा संचालित तेस्रो संस्करणकोे मिथिला कप क्रिकेट प्रतियोगीताको तेश्रो दिनको खेलमा सप्तरी र पर्सा विजय भएका छन् ।
छिन्नमस्ता क्रिकेट कल्ब सप्तरी र बोटसोन क्रिकेट एकेडेमी झापा बिच भएको प्रतिस्पर्धामा झापाले टस जितेर ब्याटिंग गर्दै सम्पुर्ण ओभर खेल्दै ८ विकेट गुमाएर ९७ रन बनाउन सफल भए । उक्त खेलमा विराट धनिले ३९ बलमा २९ रन, दिपु भुजेलले २९ बलमा १७ रन र मनोज तामांगले २१ बलमा १५ रन बनाएर झापा टिमका लागि योग्दान दिएका थिए ।
यता सप्तरी टिमबाट अदिल अंसारीले ३ ओभरमा ३ विकेट र उपेन्द्र रायले ४ ओभरमा २ विकेट हात पारेका थिए ।
सोही खेलमा आफ्ना लक्ष्य पुरा गर्न मैदानमा उत्रेका सप्तरीका टिमले १७ ओभर २ बल खेल्दै ६ विकेट गुमाएर १ सय ३ रन बनाउदै जित हाँसिल गरे । उक्त खेलमा हसिम अंसारीले १८ बलमा २७ रन, अदिल अंसारीले १७ बलमा २६ रन, र रोहन विकेले ३० बलमा १८ रन सप्तरी टिमकालागि योगदान दिएका थिए । यता झापा टिमका करमानले ३ ओभर २ बलमा २ विकेट र मनोज र विनितले ४/४ ओभरमा १/१ विकेट हात पारेका थिए । उक्त खेलको म्यान अफ दि म्याच छिन्नमस्ता क्रिकेट कल्व सप्तरी टिमका अदिल अंसारीलाई घोषणा गरिएको थियो ।
सोही प्रतियोगिताको दोश्रो चरणको खेलमा युनाइटेस क्रिकेट कल्व पर्सा र रोयल क्रिकेट एकेडेमी, धनुषा बिच भएको खेलमा पर्साले टस जितेर ब्याटिङ गर्दै सम्पुर्ण ओभर खेल्दै ७ विकेट गुमाएर १ सय ३७ रन बनाउन सफल भए ।
सोही खेलमा १ सय ३८ रन बनाउने लक्ष्य लिएर मैदानमा उत्रिएका धनुषा टिमले सम्पुर्ण ओभर खेल्दै ७ विकेट गुमाएर १ सय २ रन बनाएर पराजित भएको खेलका प्राविधिक उदित यादवले जानकारी दिए ।
उक्त खेलमा पर्सा टिमका स्वइमोन रोइ म्यान अफ दि म्याच घोषित भए ।
