जनकपुरधाम : नेपालमै पहिलो पल्ट वेट एण्ड ड्राई प्रविधी रहेको ट्रक माउण्टेड रोड स्विपर(व्रुमर) जनकपुरधाम उपमाहानगरपालिकाले गत आइतबार ल्याएको छ।
जनकपुरधाम उपमाहानगरपालिकालाई सफा र सुन्दर वनाउने अभिप्रायले ६ टन क्युसिक मिटरको धुलो उठाउने व्रुमर नेपालमै पहिलो पल्ट भारतबाट जनकपुरधाम उपमाहानगरपालिकाले ल्याएको छ । सयपत्री नेपाल इन्टरनेशनल प्रालीले भारतको लुधियानाबाट ल्याएको ब्रुमरले भिजेको माटोलाई समेत बढाल्न सक्ने क्षमता रहेको छ ।
चार किलो जतिको ढुुंगालाई तान्न सक्ने क्षमता रहेको ब्रुमर १ सय ३० हर्ष पावरको सिंगल इन्जीन रहेको छ । सिसीटिभी जडित ब्रुमरबाट सफाई गर्नका लागि एक्सट्रा कर्मचारी नलागी एक जना ड्राइभरले मात्र सिसीटिभीको सहारामा सडक सफाई गर्न सक्ने क्षमता रहेको सयपत्री प्रालीका प्रतिनिधी सरोज पौडेल ले वताए । प्रालीले असार २३ गते भारतको लुधियानाबाट ल्याएर असार २९ गते आइतवार नगरपालिकामा पुरयाएको छ ।
संसदीय कोष र जनकपुरधाम उपमाहानगरपालिकाको संयुक्त प्रयासमा एक करोड ३५ लाखको लगानीमा डवल पावर रहेको व्रुमर जनकपुरधाम उपमाहानगरपालिकामा ल्याइएको उपमाहानगरपालिकाका मेयर लालकिशोर साहले वताए । व्रुमरमा तीनवटा अत्याधुनिक गोलाकार र लामो कुचो रहेको छ ।
सफाई कर्मचारी लगाएर पनि सोचेको जति सफाई नहुने र खर्च पनि वढि हुने भएकोले सफाईलाई पनि आधुनिक प्रक्रियामा लग्नका लागि व्रुमर जनकपुरधाममा ल्याइएको मेयर साहले वताए । यस भन्दा पहिले काठमाण्डौले ५ वटा,ललितपुरले ३ वटा ब्रुमर मगाएको छ । यीनिहरुले मगाएको व्रुमर इटालीयन व्राण्डको रहेको छ जसले भिजेको माटो बढाल्न सक्ने क्षमता नरहेको सयपत्री प्रालीका प्रतिनधी पौडेलले वताए ।
भिजेको माटोलाई समेत वढाल्न सक्ने नेपालमै पहिलो पल्ट जनकपुरधामले ल्याएको वताए ।डिजलबाट चल्ने ब्रुमरले दस किलोमिटर पर हावरको सफाई गर्ने क्षमता रहेको छ ।
