न्यूजमधेश डेस्क
महोत्तरी ,११ मंसिर । डा सीके राउत नेतृत्वको जनमत पार्टीले महोत्तरीको बलबा नगरपालिकामा आफ्नो प्रथम नगर अधिवेशन सम्पन्न गर्नुभएको छ ।
शनिबार पार्टीका स्थानीय नेता राम शरण यादवको अध्यक्षतामा परौलबजारमा आयोजित जनमत पार्टी बलवा नगरपालिकाको प्रथम नगर अधिवेशन सम्बोधन गर्दै जनमत पार्टीका केन्द्रीय सदस्य एवम केन्द्रीय परिवेक्षक संजय सिंहले जनमत पार्टीको स्थापना जनता राज ल्याउनको लागि भएको बताउनु भएको हो।
कार्यक्रमको प्रमुख अतिथि .समेत रहेका नेता सिंहले मधेशका समस्याहरु अहिले पनि ज्युको त्यँहु रहेकोले राजनीति बिना विकास र मधेशको परिवर्तन सम्भव नहुने भएपछि जनमत पार्टीको जन्म भएको छ ।
मुलुकको राष्ट्रपति, उपराष्ट्रपति, गृहमन्त्री, बिदेश मन्त्रीसमेत मधेशी नै रहेको बेला मधेशको समस्या समाधान नभएको र मधेश आन्दोलनको नाममा ५४ जनालाई सहिद बनाएर आफूलाई मधेश केन्द्रित दल भन्ने पार्टीहरुले सत्ताका लागि मात्र राजनीति गरिरहेको आरोप समेत उनले लगाए ।
समृद्ध मधेशको परिकल्पनालाई साकार गर्न र सम्पूर्ण मधेशीको अधिकार सुनिश्चित गराउन जनमत पार्टीको जन्म भएको उनको दाबी छ ।
सो सम्पन्न अधिवेशनबाट जनमत पार्टी बलबा नगरपालिकाका नगर अध्यक्षमा संजय साहलाई सर्वसहमतिले चयन गरिएको छ ।
साहको नेतृत्वमा ३३ सदस्यीय नगर कार्यसमिति गठन भएको जिल्ला सचिव बिरेन्द्र मण्डलले जानकारी दिएको हो ।
उक्त नगर अधिवेशनको विशिष्ट अतिथि जनमत पार्टी केन्द्रीय सदस्य मनोहारी देवी बैठा ,केन्द्रीय सदस्य संजय यादव रहेको थिए ।भने अतिथिमा जनमत पार्टी महोत्तरीका अध्यक्ष कोमल यादव ,जिल्ला सचिव बिरेन्द्र मण्डल ,सहसचिव कौशलेन्द्र गिरिको समेत उपस्थितिमा अधिवेशन सम्पन्न भएको हो ।
