राजविराज, १५ पुष । सप्तरीको रुपनी बजारमा जनमत पार्टीले बुधवार प्रदर्शन गरेका छन् । किसानहरुको मागप्रति ऐक्यबद्धता जनाउँदै किसानहरुमाथी भएको दमनको बिरुद्धमा राजमार्ग अवरुद्ध गर्दै प्रदर्शन हो।
किसानहरुको माग पुरा गराउन पार्टीले घोषणा गरिएको कार्यक्रम अनुसार आयोजना गरिएको कार्यक्रममा हजारौको संख्यामा पार्टीका नेता तथा कार्यकर्ताहरुको प्रदर्शनमा सहभागीता रहेको थियो । किसानलाई समयमा मलखाध उपलब्ध गराउनु पर्ने, सिचाईको व्यवस्था हुनु पर्ने वा किसानलाई निःशुल्क बिजुली दिनु पर्ने, हावाहँुरी तथा बाढीबाट क्षति भएको बाली वपातको राहत दिनु पर्ने जनमत पार्टीको माग रहेको छ । किसानहरुको ठूलो जनसमर्थन देखिदै गएको आन्दोलनको मागमा कृषि उपजको मूल्य निर्धारण गर्नुपर्ने, उखु किसानको भुक्तानी गर्नु पर्ने, किसानमाथि दमन बन्द गर्नु पर्ने लगायतको माग समेत राखिएको छ । 
