राजविराज, १५ माघ ।
जनमत पार्टीको नेतृत्वमा किसानहरुले आज (शनिवार) जन्जिर लगाएर प्रदर्शन गरेका छन् । पार्टीले घोषणा गरे अनुसार सप्तरीसहित विभिन्न ठाउँमा किसानहरुले जन्जिर लगाएर जुलुस सहित प्रदर्शन गरेको हो ।
पार्टीका नेता, कार्यकर्ता तथा समर्थक किसानहरुले समयमा मलखाद्यको व्यवस्था गर, सिचाईको व्यवस्था गर, उखु किसानको भुक्तानी गर, किसान कार्डको व्यवस्था गर, किसानमाथिको दमन गर, किसानमाथि लगाइएको झुठा मुदा खारेज गर, फसलको उचित मुल्य निर्धारण गरलगायतका नाराहरुसहित प्रदर्शन गरिएको थियो ।
‘आफुहरुले गर्दै आएको आन्दोलनका महिनौं बितिसक्दा पनि सरकारले गम्भीरता नदेखाएको आरोप लगाउदै’ केन्द्रिय सदस्य सुरेन्द्र मधेशीले भने-‘माग पुरा नभएसम्म आन्दोलनलाई निरन्तरता दिइनेछौं ।’
