मनोज बनैता, सिरहा । दुर्घटनामा परी सिरहाको लाहानमा एकको मृत्यु भएको छ । लाहान स्थित पुर्व-पश्चिम राजमार्गमा मोटरसाइकल क्रेनमा ठोकिदा मोटरसाइकल चालकको मृत्यु भएको हो।
पश्चिम दिशाबाट पुर्वतर्फ आउदै गरेको को.१ क २४१७ नम्बरको क्रेनमा सोही दिशाबाट आउदै गरेको स.२ प. १८९९ नम्बरको मोटरसाईकलले पछाडिबाट ठाेकिदा दुर्घटना भएको हो । दुर्घटनामा परी मोटरसाईकल चालक लहान नगरपालिका १२ बस्ने २३ वर्षिय सुरेश चौधरीको मृत्यु भएको छ ।
दुर्घटनामा मोटरसाइकल चालक चौधरी गम्भीर घाइते भएपछी उनलाई उपचारको लागि लाहानको रा.उ.ब अस्पतालमा लगिएको थियो तर त्यहाँ उपचार सम्भव नभएपछि थप उपचारको लागि बिराटनगर लैजाने क्रममा ईनर्वा पुग्न नपाउदै उनको मृत्यु भएको जानकारी जिल्ला ट्राफिक प्रहरी कार्यालय सिरहा लहानका ट्राफिक प्रहरी निरीक्षक खगेन्द्र एकतेनले जानकारी दिएका छन । क्रेन र मोटरसाईकल ईलाका प्रहरी कार्यालय लहानमा राखीएको जानकारी प्राप्त भएको छ ।
