न्यूजमधेश डेस्क
जनकपुरधाम ,१२ असार। धनुषाको कमला नगरपालिका ३ का सन्दिप मुखिया ७ वर्षीय छोरा सुरज मुखियाको उपचारका लागि साउदीमा कार्यरत नेपालका मधेशीहरुले आर्थिक सहयोग गरेका छन् ।
साउदीको एबिभी रोक्क ग्रुप कम्पनीमा विभिन्न पदमा काम गरिरहेका कामदारहरुले चन्दा संकलन गरेर धनुषाको कमला नगरपालिका ४ सघारा हाल साउदी बस्ने अरबिन्द कुमार यादवले नेपाली २५ हजार १ सय ६५ रुपैया मुखियालाई मुटु फेर्नको लागि रकम पठाएको छ।
उनिहरु बिरामीको परिवारलाई रकम दिनको लागि न्यूजमधेशका संचालक एवम् पत्रकार मनोज कुमार मोरबैताको नाममा रकम पठाएको छ।
यो भन्दा अगाडि गैर आवासीय मधेसी संघका अन्तर्राष्ट्रिय समितिका महासचिव श्याम बाबु महतोले सिंगापुरबाट समेत २५ हजार उक्त विरामीको मुटु फेर्नकै लागि पठाएको थिए।
यता पत्रकार मोरबैताले करिब ४० लाख रुपैयाँ विरामीको उपचारसहित मुटु फेर्नको लागि आवश्यकता रहेको उनले देश विदेशमा रहेका नेपालीहरुलाई सहयोग गर्नको लागि आग्रह गर्नुभएको छ।
बालक मुखियाको मुटु फेरिनुपर्ने चिकित्सले बताएका छन् । उनी अहिले उपचाररत छन् । गरिब परिवारका भएकाले उपचार गराउने हैसियत उनको छैन् ।
